ऋण चाहिएको हो ? एनएमबी बैंकले धितो नभएपनि दिन्छ कर्जा

सोमबार, पौष २, २०७५ साल,
काठमाडौं । एनएमबी बैंकले ७ प्रकारका प्रोडक्टमा विनाधितो ऋण दिने भएको छ । सरकारले हालै संचालनमा ल्याएको ‘सहुलियतपूर्ण कर्जाका लागि ब्याज अनुदान सम्बन्धी एकिकृत कार्यविधि’ अनुसार बैंकले यस्तो प्रोडक्ट ल्याएको हो ।

बैंकले काठमाडौंमा एक कार्यक्रमको आयोजना नै गरेर सो सम्बन्धी जानकारी दिएको हो । बैंकले यसअघि नै लघु तथा विपन्न वर्ग कर्जा अन्तरगत ‘एनएमबी सहुलियतपूर्ण कर्जा’ प्रोडक्ट ल्याइसकेको थियो ।

नयाँ ल्याइएको कर्जामा एनएमबी ब्यवसायिक कृषि तथा पशुपन्छी कर्जा, शिक्षित युवा स्वरोजगार कर्जा, एनएमबी दलित समुदाय ब्यवसाय विकास कर्जा, बैदेशिक रोजगारीबाट फर्केका युवा परियोजना कर्जा, उच्च र प्राविधिक तथा ब्यवसायिक शिक्षा कर्जा, भूकम्प पीडितहरुको निजी आवाश निर्माण कर्जा र महिला उद्यमशीलता कर्जा छन् ।

यीमध्ये ब्यवसायिक कृषि तथा पशुपन्छी कर्जामा १० लाख रुपैयाँसम्म विनाधितो ऋण दिइने बैंकले जानकारी दियो । यस्तै शिक्षित युवा स्वरोजगार कर्जामा ७ लाख रुपैयाँसम्म, बैदेशिक रोजगारीबाट फर्केका युवा परियोजनामा कर्जामा १० लाख रुपैयाँसम्म, दलित समुदाय ब्यवसाय विकास कर्जामा १० लाख रुपैयाँसम्म र उच्च र प्राविधिक तथा ब्यवसायिक शिक्षा कर्जामा ५ लाख रुपैयाँसम्म विनाधितो ऋण दिइने बैंकले जानकारी दिएको छ ।

यस्तै भूकम्प पीडितहरुको निजी आवाश निर्माण कर्जामा ३ लाख रुपैयाँसम्म र महिला उद्यमशीलता कर्जामा १५ लाख रुपैयाँसम्म विनाधितो कर्जा दिने सो कार्यक्रममा जानकारी दिइयो । यस्तो कर्जा बढीमा ८ प्रतिशतसम्म ब्याजमा दिइने बैंकको भनाइ छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411