संसारकै महंगो जुत्ता: जसको मूल्यमात्रै १ अर्ब ५६ करोड

बिहीवार, कार्तिक ९, २०७४ साल,
अमेरिका । विश्वकै महंगो जुत्ता सार्वजनिक गरिएको छ । जसको मूल्यमात्रै १५.१ मिलियन डलर अर्थात् झण्डै डेढ अर्ब नेपाली रुपैयाँ रहेको छ ।

बेलायती डिजाइनर डेबी विंग्घमले यसको डिजाइन गरेकी हुन्, यसअघि उनले विश्वकै महंगो पोसाक डिजाइन गरेकी थिइन् । विंग्घम ठूला ठूला कलाकार, राजखान्दानीहरुका लागि विलासी वस्तु निर्माणमा प्रख्याती कमाएकी डिजाइनर हुन् ।

उक्त जुत्ता अचम्मसँग डिजाइन गरी बनाइएको छ । त्यसमा गुलाबी र निला हिराजडित रहेको छ, जसको मूल्यमात्रै नौ लाख ८० हजार पाउण्ड पर्छ । उक्त जुत्ता जन्मदिनको शुभकामनाका लागि माग भएको बुझिएको छ ।

त्यसमा तीन क्यारेटको सेतो हिरा र अरु एक हजार प्वाइन्टर हिराहरु आकर्षक रुपमा राखिएका छन् । सबै हिराहरु प्लाटिनममा जडित गरिएका छन् भने जुत्ताको जिप स्वर्णजडित रहेको छ । त्यस्तै लेदर कोटिंग प्रोसेस २४ क्यारेट सुनबाट पेन्ट गरिएको छ ।

डिजाइनरकी प्रवक्ताका अनुसार कसैलाई मायाको चिनो स्वरुप जन्मदिनको सौगातका लागि माग गरिएको हो । फ्लोरिडातिरका कलाकार क्रिस काम्पबेलसँगै सहकार्यमा उक्त जुत्ताको डिजाइन गरिएको हो । उनले यसअघि डिजाइन गरेको पोसाकको मूल्य ११.७ मिलियन पाउण्ड स्टर्लिंग रहेको थियो ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411