बूढीगण्डकी जलविद्युत् आयोजनाबारेको निर्णय फिर्ता गर्न एमालेको माग

सोमबार, जेष्ठ २९, २०७४ साल,
काठमाडौं । नेकपा एमाले निकट पेसागत महासङ्घ नेपालले एक हजार २०० मेगावाटको राष्ट्रिय गौरवको बूढीगण्डकी जलविद्युत् आयोजना चीनको गेजुवा समूह प्रालिलाई दिने निर्णय तत्काल फिर्ता लिन सरकारसँग माग गरेको छ ।

महासङ्घका अध्यक्ष विश्वनाथ प्याकुरेलले आज जारी गरेको प्रेस विज्ञप्तिमा उक्त आयोजना निवर्तमान काम चलाउ सरकारबाट भएको र सार्वजनिक खरिद ऐनलगायत कुनै पनि विधिअन्तर्गत नरहेकाले फिर्ता हुनुपर्ने माग गरिएको छ । राष्ट्रिय हितमा नभएकाले तत्काल फिर्ता लिई विधिसम्मत र राष्ट्रिय हित अनुकूल हुने गरी आयोजना अघि बढाउन सो संस्थाले सरकारसँग माग गरिएको छ ।

जलस्रोतको धनी राष्ट्रका रुपमा चिनिने मुलुकमा ऊर्जामा आत्मनिर्भर बनाउँदै पेट्रोलियम पदार्थको आयातलाई प्रतिस्थापन गरी स्वावलम्बी अर्थतन्त्रको विकास गर्न आग्रह गर्दै सो संस्थाले बिनाप्रतिस्पर्धा चिनियाँ कम्पनीलाई जिम्मा दिने सरकारको निर्णय फिर्ता हुनुपर्ने जनाएको छ । रासस

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411