पौने ३ अर्बको बिगो दाबीमा कृषि विकास बैंकका २ कर्मचारीसहित ८ जनाविरुद्ध मुद्दा दर्ता

सोमबार, मंसिर ९, २०७६ साल,
काठमाडौंं । अख्तियार दुरुपयोग अनुसन्धान आयोगले कृषि विकास बैंकबाट गैरकानूनी रुपमा पैसा निकाल्ने २ कर्मचारी सहित ८ जना विरुद्ध विशेष अदालतमा आरोप पत्र दायर गरेको छ ।

सोमबार आयोगले ८ जना विरुद्ध २ अर्ब ७१ करोड ४४ लाख रुपैयाँ विगोदाबी सहित मुद्दा दायर गरेको हो ।

२०७१ असोजदेखि २०७२ असारसम्म ९ महिनाको अवधिमा गैरकानूनी रुपमा बैंकको पैसा निकाल्ने २ जना कर्मचारीसहित ८ जनालाई भ्रष्टाचार निवारण ऐन, २०५९ बमोजिम सजायको मागदावी गर्दै विशेष अदालत काठमाडौंमा आरोपपत्र दायर गरेको हो ।

कृषि विकास बैंक स्वयम्भू शाखा कार्यालयमा कार्यरत तत्कालिन शाखा अधिकृत केदारप्रसाद गौतम, बैंकका शाखा प्रबन्धक भरतबहादुर बानियाँसहित सम्झना पोखरेल गौतम, जेनी श्रेष्ठ गौतम, सुमन भुजेल, सूर्यबहादुर लिम्बु, सन्दीप गुप्ता र कृष्णहरि थापाविरुद्ध आरोपपत्र दायर गरिएको हो ।

बैंकका शाखा केदारप्रसाद गौतमसमेतले २०७१ असोजदेखि २०७२ असारसम्मको अवधिमा गैरकानूनी तबरबाट ३३ करोड ९३ लाख रुपैयाँ निकालीको भन्दै उजुरी परेको थियो ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411