मदिरा सेवन गर्नेलाई १० हजार जरिवाना, खायो भन्नेलाई १ हजार पुरस्कार

बुद्धबार, भाद्र २५, २०७६ साल,
काठमाडौं । मदिरा नियन्त्रण तथा व्यवस्थापन कार्यविधी बनाएर जिल्लाको नलगाड नगरपालिकाले मदिरा नियन्त्रण शुरू गरेको छ ।

नगरपालिका भित्रका सबै वडामा अवैध रुपमा मदिरा सेवन गर्ने तथा बिक्रीवितरण गर्नेलाई १० हजार रुपैयाँ जरिवाना गर्ने कार्यविधिमा उल्लेख छ ।

एकै व्यक्तिले पटक–पटक मदिरा सेवन तथा बिक्री गरेमा दुवैलाई जरिवाना हुने कार्यविधिमा उल्लेख छ । मदिरा सेवन गरेर होहल्ला गर्नेलाई पहिलो पटक १ हजार रुपैयाँ, धेरै पटक गरेमा ५ हजार रुपैयाँ जरिवाना गर्ने कार्यविधिमा उल्लेख छ ।

सहयोगी भएर मदिरा बिक्रीवितरण गर्न सहयोग गर्नेलाई समेत जरिवाना गरिने भएको छ । ईजाजत नलिएर मदिरा बिक्रीवितरण गरेमा पहिलो पटक ३ हजार र पटक–पटक गरेमा ५ हजार जरिवाना गरिने जनाएको छ । १८ वर्ष नपुगेको व्यक्तिले मदिरा सेवन तथा बिक्री गरेमा २ हजारदेखि ५ हजार रुपैयाँसम्म जरिवाना गर्ने व्यवस्था रहेको छ ।

सार्वजानिक पद धारण गरेको व्यक्तिले मदिरा सेवन गरेमा सर्वसाधारणभन्दा दोब्बर जरिवाना गरिने छ । मदिरा सेवन तथा बिक्रीवितरण गरेको सूचना दिनेलाई बिगो अर्थात सजायको १० प्रतिशत रकम बढाएर पुरस्कार दिइने कार्यविधिमा उल्लेख छ ।

मदिरा बिक्री वितरण गर्ने ईजाजत लिएको व्यक्तिले बिक्री गरेको परिमाण, लिने व्यक्तिको नाम, समय र मिति उल्लेख गर्नुपर्ने कार्यविधिमा उल्लेख गरिएको प्रशासकीय अधिकृत सुरेन्द्र सिंहले बताए । हाल कार्यविधिमाथि स्थानीयको सल्लाह, सुझाव लिने काम भइरहेको उनले बताए ।

नगरपालिकाले नगरका सबै ठाउँमा कार्यविधि लगेर स्थानीयको सल्लाह, सुझाव लिने काम चलिरहेको नगर प्रमुख टेकबहादुर रावलले बताए । नगरपालिकाभित्र अनुमति नलिएका पसलले अनुमति लिएर मात्र काम गर्न आग्रह गरिएको छ ।

नगरपालिकाले साँझ ७ बजेदेखि ९ बजेसम्म मात्र मदिरा सेवनका लागि समय छुट्याएको छ । मदिरा सेवन गर्नेबाट जरिवाना गरिएको रकम सामाजिक कार्यमा लगाइने समेत बताएको छ । मदिरा नियन्त्रण तथा व्यवस्थापन कार्यविधिमाथि छलफल गर्दै स्थानीयले कडाइका साथ लागू गरेर समृद्ध समाज निर्माणका लागि संकल्प गर्नुपर्ने उनले बताए ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411