किन घट्यो नेपाल टेलिकमको नाफा ७ अर्ब २७ करोड रुपैयाँले ?

बिहीवार, श्रावन ३०, २०७६ साल,
काठमाडौं। नेपाल टेलिकमको नाफा ४८.६१ प्रतिशतले घटेको छ। अघिल्लो आर्थिक बर्षको भन्दा ७ अर्ब २७ करोड रुपैयाँले नाफामा गिरावट आएको हो।

टेलिकम सेवामा भन्दा सम्पत्ती थुपार्नमा ध्यान दिँदा नेपाल टेलिकमको नाफामा भारि गिरावट आएको हो। कम्पनीले गत आर्थिक वर्ष १० अर्ब २० करोड रुपैयाँ नाफा गरेको छ। अघिल्लो आर्थिक बर्ष टेलिकमको नाफा १७ अर्ब ४८ करोड रुपैयाँ थियो।

कम्पनीको विगत तीन आर्थिक बर्षदेखि टेलिकम सेवा मार्फतको आम्दानीमा गिरावट हुँदै आएको छ। अघिल्लो आर्थिक वर्षको तुलनामा दुरसञ्चार सेवा मार्फतको आम्दानी दुई अर्ब ७३ करोडले घटेको छ।

कम्पनीले यस्तो सेवामार्फत ३६ अर्ब ७८ करोड रुपैयाँ आम्दानी गरेको छ। टेलिकमले यस वर्ष चार अर्ब दुई करोड रुपैयाँ लाइसेन्स शुल्क भुक्तानी गरेको छ। यसले नाफामा भारि गिरावट ल्याएको हो।

कम्पनीको अन्य आम्दानी ७.२३ प्रतिशतले बढेर ६ अर्ब ६९ करोड रुपैयाँ आर्जन गरेको छ। आम्दानीमा गिरावटसँगै प्रशासनिक खर्च भने ११ प्रतिशतले बढेको छ। गत वर्षमा यस्तो खर्च एक अर्ब ५० करोड रुपैयाँ छ। यस्तो खर्चमा कर्मचारीको तलब भत्तादेखि अन्य प्रसासनिक खर्च पर्दछ।

समग्रमा कम्पनीको खर्च १४ प्रतिशतले बढेको छ। जम्मा खर्च २४ अर्ब ६५ करोडबाट २८ अर्ब २२ करोड रुपैया पुगेको छ। पछिल्लो समय टेलिकम्युनिकेसनहरुको भ्वाइस कल मार्फतको आम्दानीमा इन्टरनेटको कारणले घट्दै आएको छ।

कम्पनीको चुक्ता पूँजी १५ अर्ब रुपयाँ छ भने जगेडा कोषमा ८६ अर्ब ७३ करोड रुपैयाँ जम्मा भएको छ। कोषको उचित परिचालन गर्न नजान्दा कम्पनीको नाफामा सुधार आउन नसकेको हो।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411