७० अर्बको लगानी आगामी असारदेखि कार्यान्वयनमा आउने

बिहीवार, श्रावन २३, २०७६ साल,
काठमाडौं । आगामी असार १६ गतेदेखि ७० अर्बको लगानी कार्यान्वयनमा आउने भएको छ । यसका लागि अर्थ मन्त्रालय र अमेरिकी सरकारको प्रतिनिधिको रुपमा मेलिनियम च्यालेञ्ज कर्पोरेसन बीच २०७४ भदौमा सम्झौता भएको थियो ।

राधजानी आयोजित पत्रकार सम्मेलनमा उक्त रकमले दुई वटा आयोजनामा लगानी हुने बताइएको छ । जसमा ४ सय केभी क्षमताको ३१८ किमि लामो प्रशारण लाइन र ३ वटा उच्च क्षमतायुक्त सब स्टेशन निर्माण हुने छ । यस्तै ३ सय किमि रणनैतिक सडकको मर्मत सम्भाव कार्यमा खर्च हुने भएको छ । आयोजना ५ वर्ष भित्र सम्पन्न हुने बताइएको छ ।

यसको लागि समय र लगानी केही पनि नथपिने बताइएको छ । कम्प्याक्ट सम्झौता कार्यान्वयमा लैजानु अघि नै सरकारसामु ६ वटा शर्त राखिएको छ । जसमा विद्युत नियमन आयोगको गठनको लागि कानूनी बाटो खुलाउनु पर्ने, कम्प्याक्ट सम्झौताको संसदीय अनुमोदन हुनुपर्ने, बुटवलबाट भारतको गोरखपुरसम्म सिमाबाट प्रशारणलाईन निर्माणको लागि योजना बनाउनु पर्ने लगायत रहेका छन् । अहिले योजना निर्माण कार्यहरु अगाडी बढीरहेको बताइएको छ ।

आयोजनामा ५० करोड अमेरिकी डलर अमेरिकाको हुने छ भने १३ करोड अमेरिकी डलर नेपाल सरकारको लगानी हुने छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411