अमेरिका–चीन व्यापार युद्ध थप तनावपूर्ण बन्दै, आइफोन पनि महंगो हुने

शुक्रबार, श्रावन १७, २०७६ साल,
एजेन्सी । अमेरिकी राष्ट्रपति डोनल्ड ट्रम्पले आगामी सेप्टेम्बर महिनाको १ तारिख देखि चीनबाट अमेरिका भित्रिने  ३ खर्ब अमेरिकी डलर मूल्य बराबरका चिनीयाँ सामग्रीमा थप शुल्क लगाउने बताएका छन् ।

उनले आफ्नो ट्वीटमार्फत भनेका छन्, ‘व्यापार वार्ता जारी छ, अमेरिकाले सेप्टेम्बर महिनाको १ तारिखदेखि चीनबाट हाम्रो देशमा आउने गरेको ३ खर्ब अमेरिकी डलरका सामग्रीमा १० प्रतिशत शुल्क थप हुन्छ ।’

सिएनएनका अनुसार केही दिन अघि संवाददातासँग ह्वाइट हाउसमा उनले २५ प्रतिशतसम्म आर्थात् त्योभन्दा माथि पनि शुल्क लगाउने चेतावनी दिएका थिए । ‘१० प्रतिशतबाट सुरु हुने शुल्क २५ प्रतिशतभन्दा माथि हुनेछ ।’ ट्रम्पले भने, ‘तर हामीलाई त्यस्तो गर्न आवश्यक नपरोस् ।’

नयाँ शुल्कले अमेरिकी उपभोक्तालाई पहिलेको भन्दा बढी समस्यामा पार्नेछ । यो शुल्क आइफोन र अन्य इलेक्ट्रोनिक्स तथा खेलौनालगायतका सामग्रीमा लाग्नेछ । गत वर्ष राष्ट्रपति ट्रम्पले २ खर्ब ५० अर्ब अमेरिकी डलर बराबरका चिनियाँ औद्योगिक सामग्रीलाई लक्षित गरी शुल्क थोपरेका थिए ।

‘हामीले धेरै अर्ब डलरका कुरा गरिरहेका छौँ, पक्का पनि हाम्रा उपभोक्तामा कुनै पनि प्रकारको मूल्यवृद्धि भएकोे छैन, यो चीनको लागत हो,’ राष्ट्रपति ट्रपको यो टिप्पणीबाट शुल्कका त्रासले चीनबाट कम्पनीहरु बाहिरहेका छन् ।

वास्तवमा, आर्थिक अध्ययनका अनुसार अमेरिकी उपभोक्तहरुमा शुल्कको भार परिरहेको छ न कि चीन तथा अन्य विदेशी आयातकर्तामा । मार्च महिनामा जारी भएको ह्वाइट हाउसको पहिल्लो आर्थिक प्रतिवेदनले शुल्कका कारण निराश बनाएको स्वीकारीएको छ । प्रतिवेदनमा भनिएको छ– मूल्यवृद्धि तथा उपभोगमा कमी आएकाले उपभोक्ताले चर्को मूल्य तिर्नुपरेको छ ।

ट्रम्पले चीनलाई नयाँ चेतावनी दिएपछि चीनको शाङ्घाईको ओभल कार्यालयको बैठकमा उसका व्यापार समूहलाई एक साताको प्रतिवेदन तयार गर्न भनिएको सम्बन्धित अधिकारीले जनाएका छन् ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411