सिंगापुरसँग हार्‍यो नेपाल, टि–ट्वान्टी विश्वकपको सपना समाप्त

आईतवार, श्रावन १२, २०७६ साल,
काठमाडौं । आईसीसी टि–ट्वान्टी विश्वकप अन्तर्गत एसिया छनोटमा नेपाल सिंगापुरसँग पराजित भएसँगै ग्लोबल क्वालिफायर पुग्ने सपना समाप्त भएको छ । एसिया फाइनलको अन्तिम खेलमा नेपाल घरेलु टोली सिंगापुरसँग ८२ रनले पराजित भएसँगै नेपालको विश्वकप खेल्ने सपना समाप्त भएको हो ।

सिंगापुरस्थित इन्डियन एसोसिएसनको मैदानमा १ सय ९२ रनको लक्ष्य पछ्याएको नेपाल १५ ओभरमा १ सय ९ रनमा अलआउट भयो । नेपालका उपकप्तान ज्ञानेन्द्र मल्लले ३९ रन बनाए । दिपेन्द्रसिंह ऐरीले २३ रन बनाउनु बाहेक अन्यको प्रदर्शन सम्झनलायक रहेन । २१ बल खेलेका ज्ञानेन्द्र ४ चौका र ३ छक्का प्रहार गर्दै विजयकुमारमार्फत बोल्ड भएका थिए ।

दिपेन्द्रले २२ बल खेल्दै १ चौका र छक्का प्रहार गरेका थिए । कप्तान पारस खड्का १२ रनमा आउट हुँदा शरद भेषवाकर ७ रन बनाए ।

सोमपाल कामीले ११ रन बनाउँदा विनोद भण्डारीले ९, रोहित कुमार पौडेलले ५ रन बनाएका थिए । सन्दीप लामिछाने र करण केसीले खाता नै खोल्न सकेनन् । नेपालका खेलाडीलाई सस्तैमा समेट्न सिंगापुरका विजय कुमारले ४ विकेट लिए । बिनोथ बसक्रनले २ विकेट लिँदा अम्जाद महबो, जनक प्रकाश र अन्नथ कृष्णको नाममा १–१ विकेट रह्यो ।

यसअघि पहिला ब्याटिङ गरेको घरेलु टोली सिंगापुरले निर्धारित २० ओभरमा ६  विकेटको क्षतिमा १ सय ९२  रनको लक्ष्य दिएको हो ।

सिंगापुरका लागि टिम डेभिडले अर्धशतक बनाए । ४३ बल खेलेका उनले ८ चौका र ३ छक्काको मदतमा ७७ रन बनाए । सिंगापुरलाई फराकिलो रनतर्फ डोर्याएका टिम अभिनास बोहराको बलमा ज्ञानेन्द्र मल्लमार्फत क्याच भए ।

रोहन रङगराजन अर्धशतक बनाउन १ रनले चुके । ३३ बलमा ३ चौका र ४ छक्का प्रहार गरेका उनी पनि अभिनास बलमा शरद भेषवाकरमार्फत क्याच भएका थिए । मनप्रित सिहंले ४२ रन बनाए । २७ बलमा ३ चौका र २ छक्का प्रहार गरेका मनप्रित करण केसीको बलमा दिपेन्द्रसिहं ऐरीमार्फत क्याच भए । ओपनर सुरेन्द्रन चन्द्रमोहन ८ रनमा पवेलियन फर्किएका चेतन सूर्यवंशीले खाता नै खोल्न सकेनन् । ७ बल खेल्दै २ चौका प्रहार गरेका चन्द्रमोहन करण केसीको बलमा ज्ञानेन्द्र मल्लमार्फत क्याच हुँदा चेतन अभिनासको शिकार भए ।

अनिस परम ९ रनमा अबिजित रहँदा अन्नथ कृष्णले १ रन तथा  जनक प्रकाशले कुनै रन न जोड्न सकेनन् । नेपालका अभिनास बोहराले ४ विकेट लिए । करण केसीका नाममा २ विकेट रह्यो ।

जितसँगै सिंगापुरले युनाइटेड अरब इमिरेट्समा हुने ग्लोबल क्वालिफायर खेल्नेछ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411