साउन १ गतेदेखि अनलाइनमा दर्ता नगरी सामान ढुवानी गरे १ लाख रुपैयाँ जरिवाना

सोमबार, आषाढ ३०, २०७६ साल,
काठमाडौं । राजश्व अनुसन्धान विभागले राजश्व चुहावट रोक्नका लागि कार्यान्वयनमा ल्याउन लागेको ‘भेहिकल एण्ड कन्साइन्मेन्ट ट्र्याकिङ’ सिस्टमको तयारी अन्तिम चरणमा पुर्‍याएको छ ।

यअसघि नै परीक्षणका रुपमा सञ्चालनमा आइसकेको उक्त प्रणाली आगामी १ साउनदेखि पूर्ण रूपमा कार्यान्वयनमा आउने भएकाले मालसामान ओसारपसार गर्दा सो सम्बन्धी विवरण वेबमा आधारित केन्द्रीय सूचना प्रणालीमा प्रविष्ट गराउन आग्रह गरेको छ ।

शुक्रवार सूचना जारी गर्दै विभागले एक स्थानबाट अर्को स्थानमा व्यवसायिक प्रयोजनका मालसामान ओसारपसार गर्दा सो सम्बन्धी विवरण वेबमा आधारित केन्द्रीय सूचना प्रणालीमा अनिवार्य प्रविष्ट गराउनु पर्ने जानकारी दिएको हो ।

‘एक स्थानबाट अर्को स्थानमा व्यवसायिक प्रयोजनका मालसामान ओसारपसार गर्नुपूर्व सो सम्बन्धी विवरण वेबमा आधारित केन्द्रीय सूचना प्रणालीमा साउन १ गतेदेखि प्रविष्ट गरेर मात्र ओसारपसार गर्नुपर्ने गरी नेपाल राजपत्रमा सूचना प्रकाशित भएको छ । व्यवसायिक प्रयोजनका मालसामानको आन्तरिक ओसारपसार गर्ने आयात–निर्यातकर्ता, भन्सार एजेन्ट, ढुवानी व्यवसायी, उद्योग, वितरकतथा थोक विक्रेताले मालसामान थोकस्तरमा विक्री वितरण गर्दा विभागको वेबसाइटमा साउन १ देखि ढुवानी साधन तथा मालसामानको संक्षिप्त विवरण प्रविष्ट गरेर मात्र ढुवानी गर्नुहुन जानकारी गराइन्छ,’ विभागले जारी गरेको सूचनामा उल्लेख गरिएको छ ।

विभागले राजश्व अनुसन्धान तथा नियन्त्रण ऐन २०५२को दफा १३ को उपदफा ‘ग’ अनुसार उक्त प्रणाली कार्यान्वयनमा ल्याएको जानकारी दिएको छ । गत असार १ गते देखि परीक्षणका रुपमा सञ्चालनमा आएको उक्त अनलाइन प्रणाली आगामी १ साउन देखि पूर्णरुपमा कायान्वयनमा आउने भएको छ ।

‘भेहिकल एण्ड कन्साइन्मेन्ट ट्र्याकिङ’ आलाइन प्रणालीले आयात निर्यातको बारेमा प्रशस्त सूचना राख्ने भएकाले राजश्व छली एवं चुहावट रोक्न विभागलाई फाइदा पुग्ने आपेक्षा विभागको छ ।
 

साउन १ देखि लागू हुने मालवस्तु बिक्री तथा ढुवानी अनलाईन प्रणाली यसरी प्रयोग गर्नुहोस


सरकारले आगामी आर्थिक वर्षको बजेटमा समेत चोरी निकासी, पैठारी तथा आन्तरिक उत्पादनको परिवहनलाई ट्र्याकिङ प्रणालीमा आबद्ध गरिने उल्लेख गरेको छ ।

राजश्व अनुसन्धान विभागले आयातकर्ता एवं ढुवानी व्यवसायीले अनलाइन प्रणालीमा गाडी, चालकको विवरण, आयातित वस्तुको विवरण र स्थायी लेखा नम्बर समावेश नगरीकनै ढुवानी गरेमा कारवाही गरिने व्यवस्था गरेको छ । अनलाइन प्रणालीमा समावेश नगरीकनै ढुवानी गरेको पाइएमा ५० हजार रुपैयाँ देखि १ लाख रुपैयाँसम्म जरिवाना गरिने विभागले जानकारी दिएको छ ।

राजश्व चुहावट नियन्त्रण ऐन अनुसार नै जरिवाना तोकिएको विभागले जानकारी दिएको छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411