१० हजार ५ सयमा कार, ३ हजार रुपैयाँमा मोटरसाइकल विक्री हुँदै

बिहीवार, आषाढ १९, २०७६ साल,
काठमाडौं । सस्तोमा सवारी साधन खरिदका लागि सोच बनाउनु भएको छ भने तपाईका लागि सुवर्ण अवसर आएको छ । जनकपुर भन्सार कार्यालयले ३४१ थान मोटरसाइकल, जिप, कार बोलेरो, सुमो भ्यानलगायतका सवारी साधन सस्तो मूल्यमा लिलामी गर्ने सूचना प्रकाशित गरेको छ ।

प्रकाशित सूचना अनुसार मोटरसाइकलका लागि न्यूनतम ३ हजार रुपैयाँदेखि ६५ हजार रुपैयाँसम्ममा उपलब्ध गराउने भएको छ । त्यस्तै, कारका लागि न्यूनतम १० हजार ५ सय रुपैयाँमा उपलब्ध गराउने भएको छ ।

भन्सार कार्यालयले सवारी ढुवानी साधनहरुको लिलाम बिक्रीका लागि सूचना प्रकाशित गरेको हो । प्रकाशित सूचना अनुसार महिन्द्रा पिकअप ३ लाख ५० हजार रुपैयाँ तोकिएको छ ।

त्यस्तै, महिन्द्राकै बोलेरो गाडीको मूल्य ४० हजार रुपैयाँमा लिलामी गर्न लागेको छ भने टाटा सूमोका लागि ४० हजार ९५० रुपैयाँ र महिन्द्राकै मार्सल जिप ३९ हजार ९०० मा लिलाम गर्न लागेको सूचनामा उल्लेख छ ।

सूचना अनुसार २१ दिनभित्र गोप्य सिलबन्दी बोलपत्र खरिद गरी लिलाम प्रक्रियामा सहभागी हुन भन्सार कार्यालयले आग्रह गरेको छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411