बजेटपछि कार र मोटरसाइकलको सडक कर कति पर्छ ? (सूचीसहित)

आईतवार, जेष्ठ १९, २०७६ साल,
काठमाडौं । सरकारले आयात हुने सवारीसाधनमा प्यासेन्जर कारमा मूल्यको १० प्रतिशत र मोटरसाइकलमा २ लाख रुपैयाँसम्म सडक निर्माण दस्तुर कायम गरेको छ ।

२ हजार सीसीसम्म इन्जिन क्षमता भएका कार, जीप र भ्यानको सडक निर्माण दस्तुर मूल्यको ८ प्रतिशत निर्धारण गरेको छ । त्यस्तै २ हजार सीसीभन्दा माथिका कार, जीप तथा भ्यानमा सडक निर्माण दस्तुर सवारी मूल्यको १० प्रतिशत रहेको छ ।

त्यस्तै मोटरसाइकलमा १ सय ५५ सीसीसम्मका लाई १५ हजार रुपैयाँ सडक निर्माण दस्तुर लाग्छ । १ सय ५६ सीसीदेखि २ सय ५० सीसीसम्मका प्रत्येक मोटरसाइकलमा १८ हजार रुपैयाँ दस्तुर काय गरिएको छ ।

२ सय ५१ सीसीदेखि ४ सय सीसीसम्मका मोटरसाइकलमा ५० हजार रुपैयाँ सडक निर्माण दस्तुर कायम हुँदा ४ सय १ सीसीदेखि माथिका सबै मोटरसाइकलमा प्रति मोटरसाइकल २ लाख रुपैयाँ कायम भएको छ ।

त्यस्तै माइक्रोबस, बस, ट्रक, टिपर, मिक्सचर, मिनिबस, मिनिट्रकलगायत सवारीसाधनमा मूल्यको ७ प्रतिशत सडक निर्माण दस्तुर लाग्ने व्यवस्था गरिएको छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411