एकै दिन ८०० अकंले घट्यो पाकिस्तानको सेयर बजार

आईतवार, जेष्ठ ५, २०७६ साल,
काठमाडौं । पाकिस्तानी रुपैयाँको अवमूल्ययन बढ्दै जाँदा यसको ठूलो असर पाकिस्तानको सेयर बजारमा पनि देखिएको छ । गत शुक्रबार पाकिस्तानको सेयर सूचक ८ सय अकंले घटेको छ । बजारको उक्त गिरावट पछिल्लो १७ वर्षयताकै सबैभन्दा बढी भएको पाकिस्तानी समाचार संस्था डाउनले जनाएको छ ।

स्टक कम्पनीज एशोसिएसन अफ पाकिस्तान ईक्यापले पछिल्लो दुई दिनमा पाकिस्तानी मूल्य अवमूल्ययन बढ्दा सेयर बजार प्रभावित भएको भनेको छ । शुक्रबार ३३ हजार ९७१.१२ अकंमा खुलेको बजारमा ८०४.५० अकंको गिरावट आएको थियो । ईक्याप सूचक शुक्रबार २.४३ प्रतिशतले नकारात्मक बनेर ३३ हजार १६६.६२ मा बन्द भएको छ ।

बजारमा देखिएको उथलपुथलले इन्टर बैंक मार्केटमा ठूलो असर परेको बीबीसी हिन्दीले जनाएको छ । शुक्रबारसहित पछिल्लो दुई दिनमा पाकिस्तानी रुपैयाँको अवमूल्ययन ५ रुपैयाँ भन्दा बढीले गहिरीएको एक्सेचेन्ज कम्पनिज एशोसियशन अफ पाकिस्तान इक्यापले जनाएको छ ।  एक डलर बराबर पाकिस्तानी रुपैयाँ १४९ पुगेको छ। खुला बजारमा एक डलरको मूल्य १५१ पाकिस्तानी रुपैयाँ  बराबर पुगेको छ।

सेयर बजारको उथल–पुथल पिछ पाकिस्तानी प्रधानमन्त्री इमरान खानका वित्तिय मामिला सल्लाहकार डा।हफिज शेखले सेयर बजार कारोबारीसँग कराँचीमा भेट गरेका छन्। बजारका ठूला लगानीकतार्ले बजार सन्तुलनका लागि वित्तीय सल्लाहकार शेखसँग ‘मार्केट सपोर्ट फण्ड’ बनाउन आग्रह गरेका छन्।

वित्तीय सल्लाहकार शेख र सेयर लगानीकर्ताले पाकिस्तानको स्टेट बैंकका गभर्नर डाक्टर रजा बकिरसँग पनि भेट गरेका छन् । सेयर बजार डाउनफल रोक्न प्रधामन्त्रीका वित्तीय सल्लाहकार र लगानीकर्ताले सपोर्ट फण्ड, विनिमय दर र व्याजदरका विषयमा गर्भनरलाइ भनेको बताइएको छ । पाकिस्तान स्टेट बैंकले सोमबार आफ्नो मौद्रिक नीति घोषणा गर्दैछ ।

 

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411