​राष्ट्र बैंकबाट दुई अर्ब ३३ करोडको नागरिक बचतपत्र बिक्री

बिहीवार, जेष्ठ २८, २०७२ साल,
काठमाडौ । नेपाल राष्ट्र बैंकले जारी गरेको दुई अर्ब ५० करोड बराबरको नागरिक बचतपत्रमध्ये दुई अर्ब ३३ करोड ९४ लाख ३० हजारको मात्र बचतपत्र बिक्री भएको छ । 
 
बैंकले जेठ १२ गतेदेखि ८ प्रतिशत ब्याजदिने गरि हिजोसम्मको समयावधि दिएर नागरिक बचतपत्रमा लगानी गर्न सर्वसाधारणलाई आह्वान गरेको थियो । 
 
राष्ट्र बैंकले दिएको जानकारीअनुसार सो अवधिमा आह्वान गरिएको मध्ये रु १६ करोड बराबरको नागरिक ऋणपत्र बिक्री भएन । 
 
लगानीकर्ताको क्षमताअनुसारको नागरिक बचतपत्र बिक्री भएको राष्ट्र बैंकका कार्यकारी निर्देशक नरबहादुर थापाले जानकारी दिए । उनका अनुसार ऋणपत्रमा मूल्यवृद्धि नहुने भएकाले पनि आकर्षण कम भएको हुनसक्छ । 
 
राष्ट्र बैंकले बजार निर्माताका रुपमा ५१ वटा बैंक तथा वित्तीय संस्थालाई सरकारी ऋणपत्रमध्ये राष्ट्रिय बचतपत्र र नागरिक बचतपत्रको प्राथमिक एवम् दोस्रो बजार तथा वैदेशिक रोजगारपत्रको दोस्रो बजार कारोबार गर्न इजाजत प्रदान गरेको थियो । रासस 

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411