जब पाइलटले बेहोशी मै ४० मिनेट विमान उडाए

आईतवार, बैशाख २९, २०७६ साल,
एजेन्सी । अस्ट्रेलियामा एउटा अचम्मको घटना भएको छ । त्यहाँ प्रशिक्षु पाइलटले एडिलेड विमानस्थलमाथिको हवाई क्षेत्रमा लगभग ४० मिनेटसम्म बेहोशीमै विमान उडाएका छन् । उडानअघि उनले पर्याप्त मात्रामा निद्रा पाएका थिएनन् र बिहानको खाना पनि खाएका थिएनन् ।  

अस्ट्रेलियाली परिवहन सुरक्षा ब्यूरो (एटीएसबी)ले मार्च ९ मा भएको यस घटनालाई ुगम्भीर घटनाुको रूपमा लिएको छ । उसले एक रिपोर्ट जारी गर्दै गर्दै उक्त तालिम लिँदै गरेका पाइलटले उडानअघि पर्याप्त निद्रा नपाएको, चकलेट बार, इनर्जी ड्रिंक र थोरै पानी मात्रै पिएको बताएको छ ।

अस्ट्रेलियाको एबीसी न्यूजका अनुसार ४० मिनेटको यात्राको क्रममा विमान ५ हजार ५ सय फीट माथि पुगेको र प्रशिक्षु पाइलटको टाउको दुखेकाले उनले अटोपाइलट अन गरेका थिए ।

डायमन्ड डीए ४० विमानले एडिलेडको नियन्त्रण रहेको हवाई क्षेत्रमा अनुमतिबिना प्रवेश गरेको थियो । एयर ट्राफिक कन्ट्रोलले धेरै पटक पाइलटसँग सम्पर्क गर्न खोजे पनि कोशिशले सार्थकता पाउन सकेको थिएन ।

एडिलेडको दक्षिण(पश्चिम क्षेत्रमा उडिरहेको अर्को विमान देखेपछि प्रशिक्षण लिइरहेका पाइलट निद्राबाट ब्यूँझिएका थिए ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411