दुई लघुवित्तको साढे ४ लाख कित्ता शेयर बैशाख दोस्रो साताबाट

बिहीवार, चैत्र २८, २०७५ साल,
काठमाडौँ। दुई लघुबित्त वित्तीय संस्थाले प्राथमिक शेयर निष्कासन गर्ने भएका छन्। गणपति माइक्रोफाइनान्स र नेपाल एग्रो लघुबित्तलले साधारण शेयर निष्कासन गर्ने भएका हुन्।

गणपति माइक्रोफाइनान्सले सर्वसाधारणको लागि तीन लाख १३ हजार ७५ कित्ता साधारण शेयर निष्कासन गर्दै छ। संस्थाले वैशाख ९ गतेदेखि साधारण शेयर निष्कासन गर्ने छ।

सर्वसाधारणले कम्तिमा १० कित्तादेखि अधिक्तम १५ सय कित्तासम्म आवेदन दिन सक्छन्। प्रति कित्ता १०० का दरले सर्वसाधारणले आवेदन दिनु पर्ने बिक्री प्रबन्धक एनआईबिएलएस क्यापिटलले जनाएको छ।

नेपाल एग्रो लघुबित्तले कर्मचारी र सामूहिक लगानी कोषलाई छुट्ट्याएर बाँकी रहेको एक लाख ५१ हजार दुई सय कित्ता साधारण शेयर निष्कासन गर्दै छ। प्रति कित्ता एक सय रुपैयाँ रहेको साधारण शेयर वैशाख ८ गतेदेखि सर्बसाधारणका लागि बिक्री खुला हुने छ।

कम्तीमा १० कित्ता र बढीमा आठ सय कित्तासम्म आवेदन दिन सक्छन्। बिक्री प्रबन्धकको काम एसबसआइ मर्चेन्टले गर्ने छ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि. द्धारा संचालित अर्थदैनिक डट कमका लागि सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
ईमेल : truthmedia14@gmail.com
          info@arthadainik.com
फोन : 01-4223489