भारुबारे भारतको शर्तः नेपाल ल्याउन पाइने, लैजान नपाइने

शनिबार, चैत्र २, २०७५ साल,
काठमाडौं । ठूला दरका भारतीय रुपियाँ (भारु) नोट प्रचलनमा ल्याउनेबारे नेपाली पक्षको प्रस्तावमा भारतले ‘नाजायज’ जवाफ दिएको राष्ट्र ब्याङ्कका अधिकारीहरूले बताएका छन् ।

भारतीय रिजर्भ ब्याङ्कले २९ फागुनमा पठाएको पत्र अनुसार भारतीय पक्ष नयाँ २०० र ५०० दरका भारु नोट नेपाल भित्र्याउन मात्रै सहमत भएको छ। तर, यसमा पनि भारतले आफ्ना शर्त राखेको छ ।

‘नेपाल ल्याउन दिने तर नेपालबाट भारत लैजान नपाइने नाजायज प्रस्ताव भारतीय पक्षले पठाएको छ,’ राष्ट्र ब्याङ्कका एक अधिकारी भन्छन्, ‘यस्तो प्रस्ताव मान्ने हो भने हाम्रो अर्थतन्त्र नै धराशयी हुन्छ ।’

राष्ट्र ब्याङ्कका विदेशी विनिमय विभाग प्रमुख भिष्मराज ढुंगानाले पनि ‘नेपाल ल्याउनमात्रै दिने’ जवाफ आएको पुष्टि गरे ।

‘हामीले भारतबाट नेपालमा ल्याउन, नेपालबाट उता लान, सटही गर्न र पुराना (प्रतिबन्धित) नोट साटिदिन चारवटा प्रस्ताव पठाएका थियौँ,’ उनले भने, ‘तर जवाफमा भारतबाट नेपाल ल्याउनमात्रै दिने भनिएको छ ।’

यो लगायत थप केही विषयमा प्रस्ट पार्न नेपालले १ चैतमा भारतीय रिजर्भ ब्याङ्कलाई पत्राचार गरेको उनले बताए । ‘अरु विषयमा के गर्ने भन्ने स्पष्ट नभएसम्म नेपालमा ठूला दरका भारु नोटको सटही सुविधा दिन सकिन्न,’ उनले थपे ।

राष्ट्र ब्याङ्कका अधिकारीहरू भारतीय पक्ष अहिलेकै तर्कमा अडिग रहेमा ठूला दरका भारु नोट नेपालमा प्रचलनमा आउन नसक्ने बताएका छन् ।

‘यस्तो व्यवस्था गरिए हामीले भारु ल्याएर जलाउनेबाहेक केही गर्न सक्दैनौँ,’ ती अधिकारी भन्छन्, ‘या त हामीले नेरु सरह नै भारुलाई पनि वैधानिक भुक्तानीको माध्यमको रूपमा प्रचलनमा ल्याउनुपर्छ।’

भारतीय पक्षले २५ हजार भारुसम्म २०० र ५०० दरका नोट ल्याउन पाइने गरी खुला गर्ने बताएको छ । तर, नेपालले मागेको २००० दरका नोट भने नेपाल ल्याउन पनि नदिने भनिएको छ।

हालको प्रस्तावअनुसार नेपाल ल्याउन बाटो खोलिए पनि त्यही नोट बोकेर भारत जानुलाई गैरकानूनी मानिने छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411