कथाले मागे पार्टी सभापति बन्न तयार छु : गगन थापा

आईतवार, माघ २७, २०७५ साल,
काठमाडौं । नेपाली कांग्रेसका नेता गगन थापाले आवश्यक परे चौधौं अधिवेशनमा पार्टी सभापतिमा उम्मेदवारी दिने दबी गरेका छन् ।

आइतबार बिहान गोरखा सदरमुकाममा प्रेस युनियनले आयोजना गरेको पत्रकार सम्मेलनमा बोल्दै नेता थापाले पहिलो पुस्ताका नेताहरुलाई सम्मानजनक विदाइ गर्नुपर्ने धारणा व्यक्त गरे ।

पुराना पुस्ताले नेतृत्व गर्दा पार्टी पोखरी जस्तो भएकाले पार्टीलाई नदी जस्तो बनाउन  नयाँ पुस्ताको नेतृत्व चाहिने उनले तर्क गरे । ‘नेपाली कांग्रेसको नयाँ पुस्ताको नयाँ व्याख्या हुन्छ ।’ थापाले भने ‘पहिलो पुस्ताका नेताले नेतृत्व गर्दा पार्टी जमेको पोखरी जस्तो भयो, पार्टीलाई बगेको नदी जस्तो बनाउनु पर्छ।, त्यसैले अब पहिलो पुस्ताका स्तुत्य नेताले हाम्रो अभिभावक बनिदिनु पर्छ’,

नेपाली कांग्रेसमा आस्था रख्ने नयाँ पुस्ताको माग अनुसार आफू चौधौं अधिवेशनमा आफू केन्द्रीय सदस्य मात्र, भने भने केन्द्रीय स महामन्त्री, सभापति जे बन्न पनि तयार रहेको  थापाले स्पष्ट पारे ।  

‘कथाले जे माग्छ , म त्यो गर्न तयार छु ।’ थापाले भने ‘तर एउटै कुरा के हो भने पहिलो पुस्ताका नेतालाई बडो सम्मानकासाथ अभिभावक बनाएर राख्नुपर्छ । नयाँ पुस्ताका आम कांग्रेसको नेतृत्व नयाँ पुस्ताले नै गर्नुपर्छ ।’

पहिलो पुस्ताले अहिलेसम्म पार्टीको इतिहास भजाएर मात्र काम चलाएकाले नयाँ इतिहास रच्न नयाँ पुस्ताको खाँचो रहेको उनको तर्क छ ।  ‘कांग्रेस असाध्यै धेरै नोस्टाल्जिक भयो, विगतमुखी भयो । कांग्रेसलाई किन भोट हाल्ने रु भन्दा २००७ साल, २०१५ साल, २०४६ साल, २०६२ सालमा कांग्रेसले यसो गर्यो मात्र भन्यौं । थापा भन्छन् ‘२०८० सालमा कांग्रेसले यसो गर्छ त्यसैले कांग्रेस रोजौं भन्ने आधारभूत मान्यता बनाउन सकेन’

 कांग्रसमा  नयाँ आधारभूत मान्यता बनाउन का लागि नयाँ पुस्ताले पार्टी नेतृत्व गर्ने बेला आएको उनले बताए । तिमीले बिगतमा के ग¥यौ भनेर कसैले सोध्दा उत्तर पाउने तर तिमी गर्र्छौ चाहिँ के भन्दा कांग्रेस नाजवाफ हुने गरेको उनको भनाइ छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411