राति ढिलोसम्म नसुत्नेमा यस्ता ५ डरलाग्दा रोगको खतरा

शुक्रबार, मंसिर २८, २०७५ साल,

एजेन्सी । दिनभरीको थकाइ मार्न रातभरी सुत्न आवश्यक छ । निद्रा स्वास्थका लागि अत्यावश्यक छ । १८ देखि २५ वर्ष  यो उमेरका युवा युवतीहरु दिनमा ७ देखि ९ घण्टासम्म सुत्नु आवश्यक हुन्छ । भने  २६ देखि ६४ उमेरका मानिसहरुका लागि दिनमा ७ देखि ९ घण्टासम्मकै निद्रा राम्रो मानिन्छ ।

तर यो उमेरका मानिसहरु काम सँगसँगै आधुनिक प्रविधिसँग पनि उत्तिकै व्यस्थ रहने भएकाले निद्रा मारिरहेका हुन्छन् । जसले उनीहरुको शरीरमा नकारात्मक प्रभाव पारिरहेको हुन्छ ।

शरीरमा भएको बायोलोजिकल घडीले हाम्रो शरीरमा सुत्ने र उठ्ने नियम कायम राख्छ । यदि तपाई रातभर जाग्नुभयो भने यो नियम टुट्छ र स्वस्थ्यमा प्रतिकुल प्रभाव पार्छ । जसले अनेक डरलाग्दा रोग निम्त्याउँछ ।

उच्च रक्तचाप

अनिदो उच्च रक्तचापको प्रमुख कारण हो । उच्च रक्तचापको कारण अन्य रोगहरु जस्तै मधुमेह, मुटुको रोग, मृगौला विग्रिने र मस्तिष्क घातजस्ता रोगहरु लाग्न सक्छ ।

तनाव बढाउँछ

निद्रा नपुग्दा मस्तिष्कले पूरा आराम पाउँदैन । जसले गर्दा मानसिक तनाव बढ्छ । सही समयमा खाना नखानु, शारीरिक व्यायाम नगर्नु, राम्रोसँग नसुत्नु जस्ता कारण मानसिक तनाव बढ्ने गर्छ ।

यौन जीवन प्रभावित

रातिसम्म नसुत्ने पुरुषको वीर्यमा शुक्रकिटको मात्रामा कमि आउँछ । र यसको आयु पनि घट्छ । ढिलो सुत्ने र आराम कम गर्दा शरीरमा एन्टीस्पर्म एन्टीबडीको लेबल बढ्छ जुन एक प्रकारको प्रोटीन हो जसले प्रतिरक्षा प्रणालीमा कमी गराउँछ र शुक्रकिटलाई मार्छ ।

मधुमेहको खतरा

राति धेरैबेर बस्दा शरीरमा हर्मोनको मात्रा बिग्रीन्छ । हर्मोनको गडबढीको कारण विभिन्न प्रकारका रोग लाग्ने खतरा पनि बढ्छ । जसमा मधुमेह प्रमुख मानिन्छ । दैनिक जीवनमा तलमाथि हुँदा पनि निद्रामा कमि आउँछ । निद्रामा आउने समस्यालाई ‘स्लीप ऐपनिया’ भनिन्छ । जुन बढ्दै जान्छ र निद्रामा सास रोकिने समस्या आउँदा मानिसको मृत्यु पनि हुनसक्छ ।

रोग प्रतिरोधात्म क्षमतामा कमी

रातिसम्म अनिदो बस्नेहरुको शरीरमा रोग प्रतिरोधात्मक क्षमतामा कमी आउँछ । र विभिन्न भाइरस, ब्याक्टेरिया र रोगको संक्रमण बढ्छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411