जनरल ईन्स्योरेन्सले सुरु गर्‍यो कारोबार

बिहीवार, आषाढ ७, २०७५ साल,

काठमाडौँ । नेपाली बीमा बजारमा नयाँ कम्पनी जनरल ईन्स्योरेन्स कम्पनी नेपाल लिमिटेडले बुधबारदेखि आफ्नो उपस्थिति जनाएको छ ।

कम्पनीले बीमा समितिबाट संचालनको अन्तिम स्वीकृति प्राप्त गरे पश्चात बुधबारदेखि कम्पनीको कर्पोरेट कार्यालय काठमाडौँ हात्तिसारबाट एक औपचारिक कार्यक्रमकाबिच उद्घाटन गरेको छ । कम्पनीका अध्यक्ष कुनाल क्यालले कार्यालय उद्घाटन गरेसँगै कम्पनीको सेवा नेपालमा सुरु भएको हो ।

कम्पनीको कूल चुक्ता पुँजीमध्ये ७० प्रतिशत लगानी संस्थापकको र बाँकी ३० प्रतिशत सर्वसाधारणको रहने छ । यो कम्पनीको चुक्ता पुँजी १ अर्ब रुपैयाँ रहेको छ ।

नेपालको प्रतिष्ठित वाणिज्य बैंक, विकास बैंक, वित्तीय संस्था तथा प्रतिष्ठित व्यापारिक घराना समेतको लगानी रहेको यस कम्पनीले छिट्टै सर्वसाधारणमा शेयर समेत जारी गर्ने योजना बनाएको छ ।

 

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411