नेप्से २ दशमलव २६ अंकले वृद्धि हुँदा ३१ करोड रुपैयाँको शेयर खरिदबिक्री

बुद्धबार, माघ १७, २०७४ साल,
काठमाडौं । बुधबार नेप्से परिसुचकमा झिनो सुधार देखिएको छ । आज नेप्से परिसुचक २ दशमलव २६ अंकले बढेर १ हजार ४ सय ४ दशमलव ४९ को बिन्दुमा पुगेर बजार बन्द भएको छ ।

परिसुचकसँगै बुधबार अघिल्लो दिनको तुलनामा कारोबार रकम पनि बढेको छ । सोमबार २८ करोड ५५ लाख रुपैयाँको कारोबार भएकोमा आज १५६ कम्पनीको ३१ करोड १५ लाख ३४ हजार २७५ रुपैयाँको शेयर खरिदबिक्री भएका हुन् ।

कारोबारमा आएका दश समूहमध्ये यसदिन जलविद्युत, उत्पादन तथा प्रशोधन र अन्य बाहेकका सबै समूह बढेका छन् । जसमध्ये सबैभन्दा बढी होटल समूह ३५ दशमलव ९२ अंकले बढेको छ । त्यस्तै बीमा समूह ३१ दशमलव ३४ अंकले, विकास बैंक समूह १० दशमलव १७ अंकले, लघुवित्त समूह ८ दशमलव ०४ अंकले, फाइनान्स समूह ५ दशमलव ७२ अंकले, ट्रेडिङ समूह ४ दशमलव २२ अंकले र बैंकिङ समूह १ दशमलव ९७ अंकले बढेका छन् । गिरावट आएको जलविद्युत समूह ८ दशमलव १ अंकले, उत्पादन तथा प्रशोधन समूह ३ दशमलव ४१ अंकले र अन्य समूह ५ दशमलव ५७ अंकले घटेका छन् ।

बुधबार सर्वाधिक कमाउनेमा नेपाल इन्स्योरेन्सका लगानीकर्ता रहेका छन् । यो कम्पनीको शेयर मूल्य ७ दशमलव ९२ प्रतिशतले बढेको छ । त्यस्तै गोर्खाज फाइनान्स ५ दशमलव ८८ प्रतिशतले बढेको छ । त्यस्तै गुमाउनेमा भने आज ङादी ग्रुप कम्पनीका शेयरधनी रहेका छन् । कम्पनीको शेयर मूल्य २ दशमलव ९९ प्रतिशतले घटेको छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411