६ महिना भित्र विपन्न वर्गमा ४ अर्ब लगानी गर्ने मेगा बैंकको लक्ष्य

आईतवार, पौष २, २०७४ साल,
काठमाडौं । मेगा बैंकले विपन्न वर्गका लागि चालु आर्थिक बर्षको अन्त्यसम्ममा चार अर्ब रुपैयाँ कर्जा पुर्याउने भएको छ।

बैंककी कायम मुकाम प्रमुख कार्यकारी अधिकृत अनुपमा खुञ्जेलीले यस आबाके अन्तसम्ममा ४ अर्ब रुपैयाँ विपन्न वर्गमा लगानी गर्ने बताइन्।

मेगा बैंकको लघुवित्त इकाइले देशभरका ५० वटा संस्थाका प्रमुख कार्यकारी अधिकृतहरुसँग गरेको अन्तरक्रिया कार्यक्रममा कामु सिइओ खुञ्जेलीले अहिलेसम्म २ अर्ब ४६ करोड लगानी भइसकेको उल्लेख गरिन्।

‘बैंकको मूल लक्ष्य नै हलोदेखि हाइड्रोसम्म लगानी गर्नु हो’ उनले भनिन् ‘विपन्न वर्गका लागि गरेको कर्जाको असुलीमा जोखिम समेत न्यून भएकाले प्राथमिकता दिएका हौँ।’

कार्यक्रममा लघुवित्त विज्ञ डा नरहरि ढकालले लघुवित्त संस्थाले संचालन खर्च कम गर्न सूचना प्रविधिको प्रयोगमा जोड दिनुपर्ने बताए। अर्का लघुवित्त विज्ञ मेघराज गजुरेलले लघुवित्त संस्थाले कर्मचारीको उत्पादकत्व बढाउनुपर्नेमा जोड दिए।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411