​३३ अर्ब पूँजीगत लाभकर नतिर्ने एनसेलको सेवा बहिष्कार अभियान माईतिघरबाट शुरु

बुद्धबार, चैत्र २, २०७३ साल,
काठमाडौं । नेपाल सरकारलाई ३३ अर्ब पूँजीगत लाभकर नतिरेको एनसेलका सेवाहरु बहिष्कार गर्न युवा बिद्यार्थीहरुले अभियान सुरु गरेका छन् ।

युवा बिद्यार्थीहरुको एक समूहले चैत्र २ गते राजधानीको माईतीघरमा ब्यानरसहित बिरोध जनाएर एनसेल बहिष्कार अभियान सुरु गरेका हुन् ।

उनीहरुले एनसेलले स्वामित्व हस्तान्तरण वापत पूँजीगत लाभकर नतिरेसम्म उसका सबै प्रकारका सेवा बहिष्कार गरी दबाब दिन सर्बसाधारणसँग अपील गरेका छन् ।

एनसेलको पूर्व माउ कम्पनी टेलिया सोनेराले एक्जियटालाई ८० प्रतिशत स्वामित्व बेच्दा लाग्ने पूँजीगत लाभकर नतिरेपछि बिबाद उत्पन्न भएको हो । एक्जियटा र एनसेलले पूँजीगत लाभकर आफुले तिर्ने नभई टेलिया सोनेराले तिर्नुपर्ने भन्दै आएको छ भने टेलियासोनेराले नेपाल सरकारलाई लाभकर नतिर्ने अडान लिएको छ ।

यसैबीच नेपाल सरकारको मन्त्रिपरिषदले टेलिया सोनेराबाटै लाभकर असुल्ने निर्णय गरेर कर असुलीलाई उन्मुक्ति दिन खोजेको भन्दै जनस्तरमा आक्रोश बढेको छ ।

एनसेलको टेलिफोन र ईन्टरनेट सेवा गुणस्तरीय भए पनि महसुल ज्यादै चर्को भएकाले नेपाली उपभोक्ताले आफु ठगिएको गुनासो गर्दै आएका छन् ।

संसदको अर्थ समितिले एनसेलले सबै कर चुक्ता नगरेसम्म कुनै पनि प्रकारको सेवा बिस्तार र हक हस्तान्तरण नगर्न सरकारी निकायहरुलाई निर्देशन दिएको छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411