नेपाल टेलिकमको होली अफरःरिचार्जमा डेटा बोनस, सस्तो यूट्युब् र एसएमएस प्याक

शुक्रबार, फागुन २७, २०७३ साल,
काठमाडौं । नेपाल टेलिकमले होली पर्वका अवसरमा आफ्ना ग्राहकलाई बिभिन्न सेवाहरुमा सहुलियत दिने भएको छ।

कम्पनीको चाडपर्व अफर अन्तर्गत जीएसएम र सिडिएमए पोष्टपेड तथा प्रिपेडका सेवाग्राहीलाई रिचार्ज कार्डमा डेटा बोनस, यूट्युब् डेटा प्याक र एसएमएस प्याक उपलब्ध गराउने भएको हो।

रिचार्ज कार्डमा डेटा बोनस अन्तर्गत २ सयको रिचार्ज कार्डमा २ सय एमबी डेटा, ५ सयको रिचार्ज कार्डमा ५ सय एमबी डेटा र १ हजारको रिचार्ज कार्डमा १ हजार एमबी डेटा ग्राहकले पाउने कम्पनीले जनाएको छ।

यसको अवधी दुई दिनसम्म रहने बताइएको छ। यो अफर राति १० बजेदेखि बिहान ६ बजेसम्म प्रयोग गर्न पाइनेछ। यो अफरको फागुन २९ गतेदेखि चैत्र ३ गतेसम्म लागू हुने कम्पनीले जनाएको छ।

त्यसैगरी यूट्युब डेटा प्याक अन्तर्गत १ जिबी यूट्युब डेटा प्याक १ सय रुपैयाँमा २ दिनसम्म र ५ सय एमबी यूट्युब डेटा प्याक ६० रुपैयाँमा १ दिनसम्म उपभोग गर्न पाइने छ। यो अफरको अवधि फागुन २९ देखि चैत १३ गतेसम्म १५ दिन जीएसएमका प्रिपेड र पोष्टपेड ग्राहकलाई उपलब्ध हुनेछ।

यो अफर लिनका लागि युआइजीबी या यु ५ सय एमबी टाइप गरी १४१५मा एसएमएस गर्नु पर्ने छ। एसएमएस प्याक अन्तर्गत १ सय वटा एसएमएस १० रुपैयाँमा ९नेपाल टेलिकमको नेटवर्कभित्र मात्र० ३ दिनसम्म उपभोग गर्न पाइने छ।

यो अफरको अवधि फागुन २९ देखि चैत १ गतेसम्म ३ दिन जीएसएम सिडीएमएका ग्राहकलाई उपलब्ध हुने बताइएको छ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411