लगानीका लागि नेपाल गन्तब्य देश : परिसङ्घ

बुद्धबार, फागुन ११, २०७३ साल,
काठमाडौं । बाह्य लगानीका लागि नेपाल आकर्षक गन्तव्यका रुपमा विकास भएको सन्देश अन्तरराष्ट्रिय जगतमा प्रवाह गर्न नेपाल पूर्वाधार सम्मेलन सफल भएको छ ।

सरकारको सहयोगमा नेपाल उद्योग परिसङ्घको आयोजनामा गत सोमबार राजधानीमा नेपाल पूर्वाधार शिखर सम्मेलन सम्पन्न भएको थियो । बुधबार आयोजित पत्रकार सम्मेलनमा परिसङ्घले सम्मेलन नेपालीमाझ विकास–निर्माणको बहस चलाउन र सम्मेलनका सुझावलाई कार्यान्वयनको चरणमा पु¥याउने प्रस्थान बिन्दु निर्धारण भएको जनाएको छ ।

नेपालमा लगानीको वातावरण क्रमशः बन्दै गएको र लगानीको प्रतिफल प्राप्त हुने कानूनी सुनिश्चितता रहेको सन्देश पनि सम्मेलनले अन्तरराष्ट्रिय लगानीकर्तामा प्रवाह गरेको जानकारी दिँदै परिसङ्घका अध्यक्ष हरिभक्त शर्माले भने, “हामी उत्साहित छौँ, कार्यान्वयन गर्ने निकाय सरकार हो, सरकारप्रति पनि हामी आशावादी छौँ ।”

पूर्वाधार विकासबाट मात्र आर्थिक वृद्धिका साथै जनताको जीवनस्तर उकासिने र रोजगारीका अवसर सिर्जना हुने भएकाले सरकारसँगको सहकार्यमा आफूहरू देशको आर्थिक विकासमा सघाउन प्रतिबद्ध रहेको उनले बताए । हालसम्म मुलुकमा सार्वजनिक निजी साझेदारीसम्बन्धी ऐनकानून नरहेको जानकारी दिँदै उनले त्यस्तो कानून तर्जुमा गर्न सम्मेलनले सरकारलाई झक्झकाएको स्पष्ट पारे ।  

एक पृथक प्रसङ्गमा शर्माले स्थानीय तह निर्वाचनको स्वागत गर्दै त्यसले मुलुकको अर्थतन्त्र गतिशील मात्र नभई व्यवसाय प्रवद्र्धन र औद्योगिक वातावरण निर्माणमा टेवा पुग्ने विश्वास व्यक्त गरेका छन् । सम्मेलनमा भारत, चीन, बङ्गलादेश, भुटान, इजरायल, सिङ्गापुर, मलेसिया, संयुक्त अरब इमिरेट्स, फ्रान्स, चेक गणतन्त्र र अमेरिकाका लगानीकर्ताले भाग लिएका थिए । रासस

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411