नेपाल टेलिकमले ६ महिना मै नाफा कमायो झण्डै ८ अर्ब रुपैयाँ

बिहीवार, माघ २७, २०७३ साल,
काठमाडौं । चालु आर्थिक वर्षको ६ महिनामा नेपाल दूरसञ्चार कम्पनी लिमिटेड (नेपाल टेलिकम) को नाफा बढेको छ ।
चालु आवको पुससम्ममा कम्पनीले ७ अर्ब ९१ करोड ८६ लाख रुपैयाँ नाफा गरेको छ । नेपाल स्टक एक्सचेन्ज लिमिटेडमा सूचीकृत भएका मध्ये नेपाल दूरसञ्चार सबैभन्दा बढी नाफा कमाउने कम्पनी भएको छ ।

गत आवको सोही अवधिमा कम्पनीले ७ अर्ब २५ करोड ६४ लाख रुपैयाँ नाफा गरेको थियो । गत आवमा कम्पनीले कुल १३ अर्ब ६८ करोड ११ लाख रुपैयाँ नाफा गरेको थियो । कम्पनीले बिहीबार सार्वजनिक गरेको चालु आवको अर्धवार्षिक वित्तीय विवरणअनुसार प्रतिसेयर आम्दानी १०५ रुपैयाँ छ । 

समीक्षा अवधिमा कम्पनीले २२ अर्ब ४७ करोड १५ लाख रुपैयाँ आम्दानी गरेको छ । गत आवको सोही अवधिमा कम्पनीले २१ अर्ब २९ करोड २४ लाख रुपैयाँ आम्दानी गरेको थियो । गत आवमा कम्पनीको कुल आम्दानी ४४ अर्ब २० करोड ९२ लाख रुपैयाँ थियो । 

चालु आवको पुससम्ममा दूरसञ्चारले ११ अर्ब ७२ करोड ५७ लाख रुपैयाँ खर्च गरेको छ । गत आवको सोही अवधिमा उसको खर्च ११ अर्ब ४९ करोड रुपैयाँ थियो । गत आवमा कम्पनीको कुल खर्च २५ अर्ब ९८ करोड रुपैयाँ थियो ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411