​हुआवेको ब्राण्ड एम्बेसडरमा लियोनेल मेस्सि

आईतवार, चैत्र ७, २०७२ साल,
काठमाडौं । मोबाइल उपकरण निर्माता हुआवेले बार्सिलोना क्लवका प्रसिद्ध फुटबल स्टार लियोनेल मेस्सिलाई आफ्नो कञ्जुमर विजनेश ग्रुपका लागि ग्लोबल ब्राण्ड एम्बेसेडरका रुपमा नियुक्त गरेको छ ।

‘विशेषगरी, यूरोप, एसिया र ल्याटिन अमेरिकामा आफ्ना उपभोक्तालाई थप उत्साह प्रदान गर्न मेस्सिले सघाउनेमा हामी विश्वस्त छौँ’ हुआवे कञ्जुमर बीजी अध्यक्ष (ह्याण्डसेट विजनेश)का केभिन होले बक्तब्य मार्फत भने । मेस्सि भारतीय सवारी साधन निर्माता टाटा मोटर्सका लागि समेत ग्लोबल ब्राण्ड एम्बेसडरका रुपमा नियुक्त छन् ।

‘हाम्रो ब्राण्ड आफ्नो स्वउत्थान तथा प्रगतिका लागि उत्कृष्ट र नवप्रबद्र्धनात्मक खोजीमा लागि रहेको हुन्छ ।’ हुआवे ईण्डिया सीबीजीका अध्यक्ष एलेन वाङले भने ‘मेस्सिपनि निरन्तरता, उत्कृष्टता र दृढताको प्रतिकका रुपमा रहेका छन् ।’

हुआवेले सन् २०१५मा १ सय ८ मिलियन स्मार्टफोनको विक्री गर्दै एप्पल र सामसुङ पछिको तेस्रो कम्पनीका रुपमा आफूलाई स्थापित गरिसकेको छ । यस बर्ष कम्पनीले आफ्नो विक्रीलाई ३ सय प्रतिशतले बृद्धि गर्ने लक्ष्य लिएको छ ।

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411