​सेयर बजार १३ अंकले बढ्यो

बुद्धबार, माघ १४, २०७१ साल,
काठमाडौं माघ १४ । सेयर बजार करिव १३ अंकले बढेर ९८८ अंकमा बन्द भएको छ । होटलवाहेकका सबै सुचकहरु उकालो लाग्दा समग्र बजार उक्लिएको हो ।
 
राजनीतिक असमझदारीका बीचमा पनि सेयर बजार बढेको हो । बुधबार १४४ वटा कम्पनीका सेयर  किनबेच भएका छन् । जलविद्युत्, बिमा र बैंकिङ सुचक धेरै बढेको छ । 

होटल समूह भने ३० अंकले घटेको छ । बैंकिङ सुचक १५.२८ अंकले बढेको छ । जविद्युत करिव ३१ र जलविद्युत् ४१ अंकले बढेको छ  । 
 
सबैभन्दा वढी नेपाल इन्भेष्टमेन्ट बैंकको प्रमोटर सेयरको कारोबार भएको छ । राष्ट्रिय बाणिज्य बैंकले यि सेयरहरु बिक्री गरेको हो । बैंकको पाँच करोड ६६ लाख रुपैयाँ बराबरको सेयर कारोबार भएको  छ ।
 
दिनभरीमा ३५ करोड ८७ लाख रुपैयाँ बराबरको सेयर कारोबार भएको छ । कुल नौं लाख १७ हजार ७७१ कित्ता सेयर कारोबार भएका हुन् । 
 
इन्भेष्टमेन्टपछि प्रभु र ग्रान्ड बैंकका सेयर कारोबार भएका छन् । प्रभुले ग्रान्ड बैंक किन्ने चर्चाका कारण पनि दुबै कम्पनीको सेयर मूल्य बढेको हो । प्रभुको दुई करोड १७ लाख र ग्रान्डको एक करोड ५६ लाख रुपैयाँको सेयर कारोबार भएको छ । प्रभुको ७० हजार ५५० कित्ता र ग्रान्डको ८५ हजार ५६ कित्ता सेयर कारोबार भएको छ । 
 
बुधबार सबैभन्दा वढी सिभिक, सिन्धु विकास बैंक, सिद्धार्थ डेभलपमेन्ट बैंक, एचएन्डबी डेभलपमेन्ट बैंक, झिमरुक विकास बैंकलगायतका कम्पनीको सेयर मूल्य बढेको छ ।

मूल्य घट्नेमा एभरेष्ट फाइनान्स, कर्णाली डेभलपमेन्ट बैंक, नेपाल कम्युनिटी डेभलपमेन्ट बैंक, जानकी फाइनान्सको सेयर मूल्य घटेको छ । 

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411