​भारतीय च्यानल बन्द गरेकोबारे सरकारले सोधेको स्पष्टिकरणमा केबलले यस्तो जवाफ पठाए

शुक्रबार, असोज १५, २०७२ साल,
काठमाडौँ ।  नेपाल केबुल टेलिभिजन सङ्घले सुरक्षाको प्रत्याभूत भए केबुल टेलिभिजनमा हिन्दी च्यानल सञ्चालन गर्न सकिने जनाएको छ। 

सङ्घले भारतीय च्यानल बन्द गरेको सन्दर्भमा सूचना तथा सञ्चार प्रविधि मन्त्रालयले २४ घन्टाभित्र जवाफ मागेको सन्दर्भमा आज सङ्घले मन्त्रालयलाई पत्र पठाएर केबुल टेलिभिजन सञ्चालनका लागि सुरक्षाको माग गरेको हो। 

“मन्त्रालयले मागेको जवाफ हामीले आज पठाएका छौँ, असुरक्षाको वातावरणले गर्दा बन्द गरिएको हो सुरक्षाको प्रतिबद्धता चाहियो भनेका छौँ, यदि त्यसो भएमा हामी केबुल टेलिभिजन सुरु गछौँ”– रासससँगको कुराकानीमा सङ्घका अध्यक्ष सुधीर पराजुलीले भने। 

भारतले अघोषित नाकाबन्दी गरेपछि त्यसको विरोधमा नेकपा–माओवादीले भारतले नेपालमाथि हस्तक्षेप गरेको जनाई हिन्दी चलचित्र र च्यानल बन्न गर्न दबाब दिएपछि मङ्गलबार १० बजेबाट केबुल प्रदायक संस्थाले भारतीय च्यानल बन्द गरेको थियो।

सङ्घ आबद्ध ४०० केबुल टेलिभिजन सेवा प्रदायक संस्था आबद्ध रहेको बताइएको छ। रासस 

हाम्रो बारेमा

सूचना विभाग, दर्ता नं. ६११/०७४/०७५, कम्पनी रजिष्ट्रारको कार्यालय दर्ता नं. १३५६००/०७१/०७२, ट्रूथ मिडिया प्रा.लि.   सम्पादक : सुवर्णराज घिमिरे प्रबन्ध निर्देशक : नबराज जोशी बाँकी »

हाम्रो फेसबुक

सम्र्पक

logo

काठमाण्डौ, नेपाल
समाचारको लागि : truthmedia14@gmail.com
                           info@arthadainik.com
फोन : 01-4223489
विज्ञापनको लागि : 9813119411